మెగాస్టార్ చిరంజీవి మరియు విక్టరీ వెంకటేష్ జంటగా నటిస్తున్న భారీ చిత్రం ‘మన శంకర వరప్రసాద్ గారు’ అనిల్ రావిపూడి దర్శకత్వంలో తెరకెక్కుతోంది. సంక్రాంతి 2026 రిలీజ్ కోసం చిత్రీకరణ శరవేగంగా జరుగుతున్న ఈ సినిమాలో వెంకటేష్ ఓ ప్రత్యేక క్యారక్టర్లో కనిపించనున్నాడు. తాజాగా వెంకటేష్ పాత్రకు సంబంధించిన షూట్ పూర్తయినట్లు మేకర్స్ ప్రకటించారు.
షూటింగ్ పూర్తి కావడంతో వెంకటేష్ సోషల్ మీడియాలో ట్వీట్ చేస్తూ, చిరంజీవితో పనిచేయడం తనకు ప్రత్యేక అనుభవమని, ఈ సినిమా ఎన్నో జ్ఞాపకాలను మిగిల్చిందని పేర్కొన్నారు. “చిరంజీవితో స్క్రీన్ పంచుకోవాలని చాలా కాలంగా అనుకున్నాను. అనిల్ రావిపూడి ఈ స్పెషల్ ప్రాజెక్ట్ కోసం మమ్మల్ని కలిపినందుకు చాలా సంతోషంగా ఉన్నాను. సంక్రాంతి 2026లో థియేటర్లలో మీ అందరితో సినిమా ఆనందాన్ని పంచుకోవడానికి ఎదురుచూస్తున్నాను” అని వెంకీ తెలిపారు.
మూవీ ఫ్యాన్స్ ఈ ప్రత్యేక జంటను తెరపై చూడటానికి ఆసక్తిగా ఎదురుచూస్తున్నారు. చిరంజీవి-వెంకటేష్ కెమిస్ట్రీ, అనిల్ రావిపూడి ప్రత్యేక ఎంటర్టైన్మెంట్ కోసం సినిమాకు భారీ అంచనాలు ఏర్పడినవి.
