హైదరాబాద్, డిసెంబర్ 2: తెలంగాణ కాంగ్రెస్ను మరింత బలోపేతం చేసే దిశగా ఇవాళ ఉదయం 10 గంటలకు గాంధీ భవన్లో టీపీసీసీ కార్యవర్గ సమావేశం జరగనుంది. టీపీసీసీ అధ్యక్షుడు మహేష్ కుమార్ గౌడ్ అధ్యక్షతన జరగనున్న ఈ సమావేశానికి ముఖ్యమంత్రి రేవంత్ రెడ్డి హాజరుకానున్నారు.
ఏఐసీసీ నేతలు కూడా హాజరు
ఇందులో భాగంగా ఏఐసీసీ ఇంఛార్జ్ మీనాక్షీ నటరాజన్, ఏఐసీసీ కార్యదర్శులు విశ్వనాథన్, సచిన్ సావంత్ కూడా పాల్గొననున్నారు. రాష్ట్ర కాంగ్రెస్ కోసం తీసుకునే కీలక నిర్ణయాలపై ఈ సమావేశంలో ముమ్మర చర్చ సాగనుంది.
కొత్తగా నియమితమైన డీసీసీ అధ్యక్షులకు నియామకపత్రాలు
సమావేశంలో నూతనంగా నియమితులైన జిల్లా కాంగ్రెస్ కమిటీ (డీసీసీ) అధ్యక్షులకు టీపీసీసీ చీఫ్ మహేష్ గౌడ్ అధికారిక నియామకపత్రాలను అందజేయనున్నారు. అనంతరం పూర్వ డీసీసీ అధ్యక్షులను ముఖ్యమంత్రి రేవంత్ రెడ్డి సన్మానించనున్నారు.
సంస్థాగత బలోపేతానికి సీఎం దిశానిర్దేశం
డీసీసీ అధ్యక్షులు, ఉపాధ్యక్షులు, జనరల్ సెక్రటరీలకు పార్టీ భవిష్యత్ కార్యాచరణ, బాధ్యతలు, సంస్థాగత బలపరచడంపై సీఎం రేవంత్ రెడ్డి స్పష్టమైన దిశానిర్దేశం చేయనున్నట్లు పార్టీ వర్గాలు తెలిపాయి. ఈ సమావేశంలో రాబోయే స్థానిక సంస్థల ఎన్నికలకు సంబంధించిన వ్యూహాలు, పార్టీ బలోపేతం, ఏఐసీసీ కార్యక్రమాల అమలు, రాష్ట్రవ్యాప్త కాంగ్రెస్ ఉద్యమాలపై విస్తృత చర్చ జరగనుంది. ముఖ్యంగా లోక్సభ ఎన్నికల తర్వాత గ్రామ మరియు మండల స్థాయిలో కాంగ్రెస్ పార్టీని మరింత దృఢంగా నిలబెట్టే విధానాలపై ప్రణాళికలు ఖరారయ్యే అవకాశం ఉంది.
Related తెలంగాణ Updates:
Telangana CM Revanth Reddy Key Orders : మేడారం అభివృద్ధి పనులపై కీలక సమీక్ష-నిర్మాణాలపై కీలక ఆదేశాలు
