సోషల్ మీడియాలో నిత్యం వేలకొలది వార్తలు హల్చల్ చేస్తుంటాయి. వాటిలో ఏది నిజం, ఏది రూమర్ అనేది చెప్పడం కష్టమే. ఇటీవలి కాలంలో కోలీవుడ్ స్టార్ హీరో ధనుష్, హీరోయిన్ మృణాల్ ఠాకూర్ డేటింగ్లో ఉన్నారన్న గాసిప్స్ నెట్టింట పెద్ద హాట్ టాపిక్గా మారిన విషయం తెలిసిందే. ఈ ఇద్దరూ సినిమా ఈవెంట్స్, ప్రైవేట్ పార్టీల్లో తరచూ కలిసి కనిపించడం, ఫోటోలు వైరల్ కావడంతో ఆ ఊహాగానాలు మరింత బలం పుంజుకున్నాయి. అయితే మృణాల్ ఈ రూమర్లను పలుమార్లు ఖండించింది.
ఇంతలోనే మరొక కొత్త కథ బయటకు వచ్చింది. మృణాల్ ధనుష్తో కాదు, క్రికెటర్తో డేటింగ్లో ఉందంటూ సోషల్ మీడియాలో మరో ప్రచారం మొదలైంది. టీమిండియా వైస్ కెప్టెన్ శ్రేయస్ అయ్యర్, మృణాల్ ఠాకూర్ రహస్యంగా ప్రేమలో ఉన్నారంటూ అనేక జాతీయ మీడియా సంస్థలు వార్తలు రాశాయి. ఈ ప్రేమ వ్యవహారాన్ని ఇద్దరూ గోప్యంగా ఉంచుకుంటున్నారన్న పుకార్లు విపరీతంగా వైరల్ అయ్యాయి.
అయితే ఈ రూమర్లపై మృణాల్ చివరకు స్పందించింది. శ్రేయస్ అయ్యర్తో తనకు ఎలాంటి సంబంధం లేదని స్పష్టం చేసింది. అవన్నీ పూర్తిగా అసత్యమని, ఆధారంలేని వార్తలని చెప్పింది. ఇటువంటి వదంతులు వింటుంటే నవ్వు వస్తుందని, ఇవి “ఫ్రీ పీఆర్ స్టంట్స్” తప్ప మరేం కాదని చెప్పి సోషల్ మీడియాలో పోస్టు చేసింది. దీంతో ఆమెపై వస్తున్న నిరాధార గాసిప్స్కి మృణాల్ గట్టి చెక్ వేసినట్లైంది.
ఇదేగాక, మృణాల్ గురించి ఇదే తొలిసారి రకరకాల రూమర్లు రావడం కాదు. గతంలో కూడా ఆమె పేరును వివిధ సెలబ్రిటీలతో లింక్ చేసి పుకార్లు పుట్టించేవి. మరోవైపు ఆస్ట్రేలియాతో జరిగిన వన్డే సిరీస్లో గాయపడిన శ్రేయస్ అయ్యర్ ప్రస్తుతం రెస్ట్ తీసుకుంటున్నాడు. అలాంటి సమయంలో ఈ రూమర్లు మరింత ఊపందుకోవడం అభిమానుల్లో చర్చనీయాంశమైంది. ఇటీవల మృణాల్ మాట్లాడుతూ – “నా కెరీర్లో ఇంకా చేయాల్సినవి చాలా ఉన్నాయి. నేను నా పనిపైనే ఫోకస్ చేస్తున్నాను. నా వ్యక్తిగత విషయాలను చర్చించడం నాకు ఇష్టం లేదు” అని తెలిపింది. అయితే శ్రేయస్ అయ్యర్తో వచ్చిన వార్తలు హద్దులు దాటడంతో స్పష్టంగా స్పందించాల్సి వచ్చింది.
