నెట్‌ఫ్లిక్స్‌లో అరుదైన రికార్డు క్రియేట్ చేసిన నాని శ్యామ్ సింగరాయ్

నాచురల్ స్టార్ నాని సినిమాలకు ఉన్న డిమాండే వేరు. భారీ బడ్జెట్ సినిమాలు కాకపోయినా కేవలం నటనా ప్రతిభతో సినిమా విజయంలో కీలకపాత్ర పోషిస్తుంటారు నాని. ఈ క్రమంలోనే నాని హీరోగా రీసెంట్‌గా విడుదలైన ‘శ్యామ్ సింగరాయ్’ మూవీ బాక్సాఫీస్ వద్ద సూపర్ సక్సెస్ అందుకుంది. రాహుల్ సాంకృత్యన్ దర్శకత్వంలో తెరకెక్కిన ఈ సినిమా డిసెంబర్ 24న విడుదలై థియేటర్లలో సక్సెస్‌ఫుల్ రన్ కొనసాగించింది. ఈ నేపథ్యంలో తాజాగా ఈ సినిమా ఓ అరుదైన ఫీట్ సాధించి వార్తల్లో నిలిచింది. వెంకట్ బోయినపల్లి ఎంతో ప్రతిష్టాత్మకంగా నిర్మించిన ఈ సినిమాలో నాని ద్విపాత్రాభినయం చేయగా. సాయి పల్లవి, కృతి శెట్టి, మడోన్నా సెబాస్టియన్‌ హీరోయిన్లుగా నటించారు. మిక్కీ జే మేయర్ బాణీలు కట్టారు.

తొలి షోతోనే పాజిటివ్ టాక్ తెచ్చుకొని థియేటర్లలో కలెక్షన్ల వర్షం కురిపించిన ఈ సినిమాను జనవరి 21 నుంచి ఓటీటీ వేదిక నెట్‌ఫ్లిక్స్‌లో స్ట్రీమింగ్ చేస్తున్నారు. దీంతో అక్కడ కూడా భారీ రెస్పాన్స్ అందుకుంటూ తాజాగా అరుదైన ఘనత సాధించింది శ్యామ్ సింగరాయ్. మొదటి వారంలో ఎక్కువ మంది వీక్షించిన మొట్టమొదటి ఇండియన్ సినిమాగా రికార్డు క్రియేట్ చేసింది శ్యామ్ సింగరాయ్. ఎక్కువ మంది వీక్షించిన చిత్రాల జాబితాలో నిలిచి సత్తా చాటింది. ప్రపంచం మొత్తం మీద నెట్ఫ్లిక్స్లో స్ట్రీమ్ అయిన సినిమాలు, వెబ్ సిరీస్ల్లో తొలి వారం రోజుల్లో అత్యధిక మంది వీక్షించిన జాబితాలో టాప్ 3 స్థానంలో నిలవడమే గాక టాప్ 10 ప్లేస్లో ఒకటిగా ఉంది. తద్వారా ఇండియా నుంచి టాప్ 3 స్థానాన్ని పొందిన మొట్ట మొదటి సినిమాగా శ్యామ్ సింగరాయ్ రికార్డు నెలకొల్పడం విశేషం.