ప్రధాని పంజాబ్ పర్యటనలో భద్రతా లోపంపై విచారణకు సుప్రీం కమిటీ

ప్రధాని నరేంద్ర మోదీ పంజాబ్ పర్యటనలో భద్రతా లోపాలపై సుప్రీంకోర్టు విచారణ కమిటీని ఏర్పాటు చేసింది. ఐదుగురు సభ్యులతో కూడిన ఈ బృందానికి జస్టిస్ ఇందూ మల్హోత్రా నేతృత్వం వహించనున్నారు. ఈమేరకు సీజేఐ జస్టిస్​ ఎన్వీ రమణ ఉత్తర్వులు జారీ చేశారు. ఈనెల 5న పంజాబ్​లోని ఫిరోజ్​పూర్​కు ప్రధాని వెళ్తుండగా.. అడ్డగించిన ఘటనపై ఈపంజాబ్ ప్రభుత్వ విజ్ఞప్తి మేరకు సుప్రీంకోర్టు స్వతంత్ర కమిటీని ఏర్పాటు చేసింది. విచారణ ఏకపక్షంగా జరగకూడదన్న ఆరోపణల నేపథ్యంలో అత్యున్నత న్యాయస్థానం ఈ నిర్ణయం తీసుకుంది. ఈ కమిటీలో జస్టిస్ ఇందూ మల్హోత్రాతోపాటు పంజాబ్-హరియాణా హైకోర్టు రిజిస్ట్రార్ జనరల్, చండీగఢ్ డీజీపీ, ఎన్ఐఏ ఐజీ, పంజాబ్ సెక్యూరిటీ ఏడీజీ సభ్యులుగా ఉంటారని ధర్మాసనం వెల్లడించింది. కమిటీ విచారణ జరపనుంది.